«Kompaniya o‘sdi. Boshqaruv tizimi esa — yo‘q»

2026-yil 23-sentyabr kuni IT Alliance assotsiatsiyasi IT-biznesni kengaytirish va samarali boshqaruv tizimini shakllantirishga bag‘ishlangan №10 biznes-nonushtani o‘tkazadi.

IT-kompaniya rivojlanishi bilan jamoa, mijozlar, loyihalar va yo‘nalishlar soni ortadi. Dastlabki bosqichda samarali ishlagan boshqaruv modeli vaqt o‘tishi bilan biznesning keyingi rivojlanishini cheklay boshlaydi.

Qarorlar sekinroq qabul qilinadi, bo‘limlar o‘rtasidagi mas’uliyat noaniqlashadi, xarajatlar ortadi, loyihalarni amalga oshirish muddatlari buziladi, kompaniya egasi esa deyarli barcha operatsion jarayonlarda shaxsan ishtirok etishda davom etadi.

Uchrashuv davomida ishtirokchilar qo‘lda boshqarishdan tizimli boshqaruv modeliga qanday o‘tish, jarayonlarning shaffofligini oshirish va kompaniyani kengayishning keyingi bosqichiga qanday tayyorlash mumkinligini muhokama qiladilar.

Spiker

Sergey Shchurov

Sergey Shchurov 25 yildan ortiq professional tajribaga ega bo‘lib, 50 dan ortiq kompaniya va loyihalarni rivojlantirishda ishtirok etgan.

CFO, CEO, investor va direktorlar kengashi a’zosi sifatidagi tajribasi unga boshqaruv qarorlarini strategiya, moliya, ijro va ehtimoliy xatarlar nuqtayi nazaridan baholash imkonini beradi.

Spiker amaliy keyslar asosida kompaniyaning yangi rivojlanish bosqichiga o‘tishida tashkiliy tuzilma, moliya, motivatsiya, biznes jarayonlari va kompaniya rahbarining rolida qanday o‘zgarishlar zarurligi haqida so‘zlab beradi.

Uchrashuvning asosiy mavzulari

Ishtirokchilar quyidagi masalalarni muhokama qiladilar:

• IT-kompaniya o‘sishi bilan boshqaruv tuzilmasi qanday o‘zgarishi kerak;
• mulkdor, rahbarlar va loyiha jamoalari o‘rtasida mas’uliyatni qanday taqsimlash kerak;
• norasmiy kelishuvlardan shaffof biznes jarayonlariga qanday o‘tish mumkin;
• bir nechta mahsulot, loyiha va yo‘nalishlarni qanday samarali boshqarish kerak;
• moliyaviy boshqaruv, KPI va xodimlarni rag‘batlantirish tizimini qanday bog‘lash kerak;
• biznesning asoschi va ayrim asosiy mutaxassislarga bog‘liqligini qanday kamaytirish mumkin;
• nazoratni yo‘qotmagan holda jamoaning tezkorligi va moslashuvchanligini qanday saqlab qolish mumkin;
• nima uchun kompaniyaning keyingi rivojlanish bosqichi yangi boshqaruv vositalarini talab qiladi.

Ushbu uchrashuv kimlar uchun

Biznes-nonushta quyidagilar uchun foydali:

• IT-kompaniya egalari va rahbarlari;
• texnologik startaplar asoschilari;
• tizimli integratorlar rahbarlari;
• raqamli mahsulotlarni ishlab chiquvchilar va egalari;
• moliya, operatsion va loyiha bo‘limlari rahbarlari;
• biznesni kengaytirish va jamoalarni rivojlantirish uchun mas’ul mutaxassislar.

Tadbir formati

Dasturdan amaliy taqdimot, boshqaruv keyslarini tahlil qilish, ochiq munozara, savol-javob sessiyasi, shuningdek, IT hamjamiyati vakillari bilan biznes-netvorking o‘rin olgan.

Tadbir sanasi va o‘tkazilish joyi

Sana: 2026-yil 23-sentyabr
Vaqt: 09:00–11:30
Joy: «Ognи Tashkenta» restorani
Manzil: Buxoro ko‘chasi, 24

RO‘YXATDAN O‘TISH

Joylar soni cheklangan. Ishtirok etish faqat oldindan ro‘yxatdan o‘tish orqali amalga oshiriladi.