KEY TECH: AI Summit 2026 doirasida iqtisodiyot, moliya va raqamli xizmatlarda sun’iy intellektning kelajagiga bag‘ishlangan xalqaro sammit Tashkent shahrida bo‘lib o‘tadi.

2026-yil 30-aprel kuni Toshkentda KEY TECH: AI Summit 2026 xalqaro sammiti tashkil etiladi. Ushbu sammit bank sektori, fintex, to‘lov infratuzilmasi, davlat boshqaruvi va raqamli xizmatlarda sun’iy intellektni amaliy joriy etishga bag‘ishlangan.

Tadbir banklar, fintex kompaniyalar, to‘lov tizimlari, texnologik kompaniyalar, davlat organlari, regulyatorlar hamda xalqaro ekspertlar rahbarlarini birlashtirib, mintaqada AI texnologiyalarini rivojlantirishning asosiy yo‘nalishlarini muhokama qilish uchun maydon yaratadi.

KEY TECH: AI Summit 2026 moliyaviy sektor, raqamli infratuzilma va davlat boshqaruvida AI yechimlarini joriy etish bo‘yicha strategik muloqot va amaliy tajriba almashish platformasiga aylanadi. Sammit O‘zbekiston va Markaziy Osiyoda sun’iy intellektning moliyaviy tizim, to‘lov infratuzilmasi va raqamli iqtisodiyot transformatsiyasidagi rolini muhokama qilish uchun yetakchi maydonlardan biri bo‘lishni maqsad qilgan.

Sammitning markaziy voqeasi quyidagi flagman sessiya bo‘ladi:
“Strategik muloqot: davlat, regulyatorlar va industriya”,
unda davlat organlari, regulyatorlar va texnologik soha yetakchilari ishtirok etadi. Ushbu sessiyada sun’iy intellektning O‘zbekiston raqamli iqtisodiyotini rivojlantirishdagi o‘rni, davlat, regulyatorlar va bozor ishtirokchilari o‘rtasidagi hamkorlik, shuningdek moliyaviy sektor va asosiy tarmoqlarda AI joriy etishning strategik yo‘nalishlari muhokama qilinadi.

Sammit dasturida quyidagi yo‘nalishlar bo‘yicha muhokamalar rejalashtirilgan:

• Bank sektori va fintexda AI
• Skoring, kreditlash va risklarni boshqarishda AI
• Ma’lumotlar infratuzilmasi va AI platformalar
• Nutq texnologiyalari va ovozli botlar
• Kiberxavfsizlik va raqamli tizimlarni himoya qilish
• Banklar, fintex va raqamli xizmatlarda AI yechimlarini joriy etish bo‘yicha amaliy кейслар

Dasturda, shuningdek, “Women in AI” maxsus sessiyasiga alohida e’tibor qaratiladi. Ushbu sessiya texnologiyalar rivoji, raqamli transformatsiya va mintaqada yangi texnologik yetakchilikni shakllantirishda ayollarning roliga bag‘ishlangan.

“Bugungi kunda O‘zbekiston sun’iy intellekt banklar, to‘lov infratuzilmasi, davlat boshqaruvi va mijozlar uchun xizmatlarda real raqamli transformatsiyaning bir qismiga aylanayotgan bosqichga kirib bormoqda. Biz KEY TECH AI Summit 2026 bozor ishtirokchilari uchun qaysi AI yechimlar haqiqatan ishlayotganini, ularni qanday masshtablash mumkinligini va shu asosda yanada kuchli raqamli iqtisodiyotni qanday qurish mumkinligini muhokama qilish maydoniga aylanishini istaymiz”, — dedi Taufik Khisamov, sammit tashkilotchisi va Khisam Communications bosh direktori.

Taklif etilgan ishtirokchilar va spikerlar orasida Raqamli texnologiyalar vazirligi, Markaziy bank, Istiqbolli loyihalar milliy agentligi, Oliy Majlis Qonunchilik palatasining Innovatsion rivojlanish va axborot texnologiyalari qo‘mitasi, shuningdek AI Alliance, HUMO, Anor, InfinBank, NBU, Alif, Click, Payme, TBC, Octobank, Asakabank, Kapitalbank, Mikrokreditbank va boshqa moliyaviy hamda raqamli sektor tashkilotlari vakillari bor.

Konferensiyada bank va fintex kompaniyalari rahbarlari va mutaxassislari — CTO, CIO, CDO, CDTO, CISO lavozim egalari, shuningdek AI tizimlari ishlab chiquvchilari, investorlar va davlat idoralari vakillari ishtirok etishga taklif etiladi. Tadbir professional networking va biznes aloqalarni rivojlantirish uchun keng imkoniyatlar yaratadi. Ishtirok etish uchun ariza topshirish zarur. 

Tadbir Istiqbolli loyihalar milliy agentligi (ILMA), O‘zbekiston Respublikasi Raqamli texnologiyalar vazirligi, AI Alliance Uzbekistan va mintaqaning raqamli iqtisodiyoti hamda AI ekotizimini rivojlantirishda ishtirok etayotgan boshqa tashkilotlar ko‘magida o‘tkaziladi.

Tadbir tashkilotchisi — Khisam Communications kommunikatsiya agentligi.

Konferensiyaning ijtimoiy tarmoqlari:

• LinkedIn: Key Tech Summit
• Telegram: Digital Uzbekistan

Manzil: U-Enter, Toshkent

Sana: 2026-yil 30-aprel

Ro‘yxatdan o‘tish

➡️ Hamkorlik va chiqishlar bo‘yicha: @Taufik_Khisamov